Vegur Tedda sem listamanns var ekki hefðbundinn en skúlptúrar hans vöktu athygli og áhuga fólks víða. Verk Tedda hafa verið sýnd í Cuxhaven í Þýskalandi, Arucas á Spáni, Halifax í Kanada og Þórshöfn í Færeyjum. Verk eftir hann eru í eigu fjölmargra stofnana, einstaklinga og þjóðhöfðingja. Í verkunum má finna fínleika og næmni í formskyni í bland við grófara og óheflaðra myndmál.